Constitúise la Comisión Especializada de Toponimia Xeográfica

Col procesu de recuperación de los nomes de llugar tradicionales nel so tramu final –son 4 los conceyos pendientes d’aprobar el so espediente–, la Direición Xeneral de Política Llingüística trabaya yá en continuar el llabor colos topónimos de montes y ríos. Pa ellos constitúise la Comisión Especializada de Toponimia Xeográfica, qu’aconceya esti miércoles.

Una vegada aprobada la toponimia de Somiedo, y con Cuideiru, Allande, Ibias y Navia col so procesu avanzáu, el siguiente oxetivu ye recuperar los nomes tradicionales de los elementos xeográficos. Ríos, montes y playes que cuenten con formes deturpaes que lleven años arrequexando los topónimos emplegaos pola xente del llugar.

La constitución de la Comisión Especializada de Toponimia Xeográfica, qu'aconceya esta tarde na sede de la Conseyería de Cultura, Política Llingüística y Turismu, va permitir dar los primeros pasos nesti trabayu tan revesosu pola gran cantidá d'elementos xeográficos esistentes. Tamién va aldericar sobre dellos aspeutos del procesu, como incluyir o non el nome común xunto col propiu nos topónimos.

Na semeya, cumal de Peñamayor.