La convocatoria del Nel Amaro va tar abierta hasta’l 6 de xunu y la de los ochos premios restantes, hasta’l 16

La Conseyería de Cultura, Política Llingüística y Turismu convocó los sos gallardones pa esti añu. El primeru foi’l Premiu Nel Amaro de teatru, con plazu pa entregar los proyeutos hasta’l 6 de xunu, al qu’agora se suma los siete Premios Lliterarios y el Camaretá al Meyor Cantar, col 16 d’esi mesmu más como llende pa presentar los trabayos.

Caltiénense la recompensa de toles estayes. Asina, la obra de teatru que mereza’l VI Premiu Nel Amaro de Teatru Profesional n’Asturianu o Gallego-asturiano va llevar 6.000 euros, mesma cantidá que’l restu de gallardones a esceición del II Premiu Enriqueta González Rubín de narrativa moza, qu’entrega la metá, 3.000 euros.

El restu de gallardoses convocaos son el XLIII Premiu Xosefa Xovellanos de novela, el XXVIII Premiu Xuan María Acebal de poesía, el XXVIII Premiu Máximo Fuertes Acevedo d'ensayu, el XV Premiu María Josefa Canellada de lliteratura infantil y xuvenil, el XIV Premiu Alfonso Iglesias de cómic y el II Premiu Florina Alías a la meyor traducción. A éstos hai que sumar el XIV Premiu al Meyor Cantar Camaretá pa creaciones editaes n’asturianu y gallego-asturiano nel 2021 y nos primeros meses del 2022.

El plazu de presentación de trabayos de tolos Premios Lliterarios y el Camaretá fina’l 16 de xunu, mentes que’l del Nel Amaro adelántase al 6. Les persones que resulten ganadores, amás del premiu en metálicu y del troféu correspondiente, van integrase nel circuitu cultural Autores nel Camín del año 2023 que se desenvuelve a lo llargo del territoriu asturianu.