Cárcaba refuga rebaxes d’impuestos porque “resta recursos de lo público”

Ana Cárcaba entrugó a Pablo González Menéndez “qué servicios públicos cree que deberíen empeorar” énte la propuesta de reforma fiscal anunciada pol PP. La conseyera de Facienda refugó rebaxes d’impuestos porque “resta recursos de lo públicu” y aseguró que’l Gobiernu nun valoró la presentada por Podemos.

El PP interpeló al Conseyu de Gobiernu esta mañana nel Plenu de la Xunta Xeneral “sobre política xeneral en materia fiscal y, más concretamente, sobre la propuesta fiscal que se ta negociando pa la reforma del Estatutu d’Autonomía del Principáu d’Asturies”. “Enantes de nada, una cosa importante. Quiero recordar que la reforma del Estatutu ye una negociación onde participen grupos parllamentarios”, principió la so intervención, que siguió apuntando que “na mio condición de conseyera de Facienda la mio principal responsabilidá consiste en velar por que los recursos colos que cuenta la comunidá autónoma sían suficientes pa cubrir los servicios públicos que los asturianos y asturianes han de recibir”.

En referencia a la propuesta de Podemos apuntó que supón “una merma d’ingresos d’unos 35 millones d’euros añales” y que “restar esa cantidá de les nueses cuentes cada añu esixía dexar de destinar recursos exerciciu tres exerciciu a diferentes inversiones y servicios públicos. ¿Qué inversiones y qué exercicios públicos? ¿Ónde habría de recortar? Ye una entruga básica a la que naide quier dar respuesta”, xustificó. Asina, defendió que la postura del Gobiernu siempre “foi nidia” nesti terrén: “un sistema fiscal, progresivu, equitativu y xustu”.

Y énte la propuesta fiscal anunciada pol PP, encamentó a González a qu’esplique “d’ónde se van restar esos recursos” y “qué servicios públicos cree que deberíen empeorar, qué inversiones tendríemos que dexar d’executar, cuáles son les actuaciones que sufriríen recortes, qué ayudes, qué subvenciones tendríamos que dexar de conceder. Indique cuáles son eses consecuencies”.

Na semeya, un momentu de la intervención de Cárcaba nel Plenu d'esta mañana.