Cuatro biltos en ximnasios esmolecen a les autoridaes sanitaries

Asturies tien agora 22 focos activos de COVID-19, 5 más qu'hai una selmana. El miércoles rexistráronse 118 contaxos.

Como cada miércoles, la Conseyería de Salú informó al Ministeriu de Sanidá de los biltos esistentes n’Asturies. Nestos momentos hai 7 brotos nuevos de coronavirus y 22 focos activos –que sumen 322 casos–, 5 más qu’hai una selmana y 7 qu’hai 14 díes.

Cuatro d’ellos tienen rellación con ximnasios, dalgo qu’esmolez a les autoridaes sanitaries. Amás, dellos son d’ámbitu social, venceyaos establecimientos d’hostelería o xuntes familiares o d’amigos.

Tasa de positividá del 3,14 por cientu

Ayeri diganosticáronse 118 casos nuevos, de los que dos necesitaron hospitalización, anque na serie sumáronse 116 (6.234 en total) por mor de dos falsos positivos de díes previos. Na xornada fixéronse 3.747 pruebes PCR, polo que la tasa de positividá asítiase nel 3,14 por cientu, entovía perbaxo del 5 por cientu.

Na UCI hai anguaño 23 pacientes, 2 más qu'ayeri, y en planta 89, otros 2 más. 2 persones tamién recibieron l'alta epidemiolóxica, polo que'l total de curaciones queda en 2.299.