La contaminación d'una muestra vuelve a reducir la serie de positivos

Xornada nueva ensin muertes nin contaxos.

Los datos de la pandemia de COVID-19 n'Asturies tornen a dexar, per segundu día, una reducción na serie de positivos. Si ayeri yeren 2 los casos menos tres la revisión de 2 pruebes, güei la Conseyería de Salú anunció la retirada d'otru pola "contaminación de la muestra nel llaboratoriu".

El total de positivos por PCR confirmaos queda, poro, en 2.435. Mentes, per segunda xornada y quinta vegada esti mes, nun hai casos nuevos nin muertes na xornada, siguiendo'l total de perdes per tercer xornada en 332.

Les persones ingresaes na UCI baxen de 11 a 8, pacientes que pasen a planta, onde hai anguaño 7 persones, 2 más que'l martes tres una curación que pon la cifra total de persones col alta epidemiolóxica en 1.984.