Los datos de la COVID-19 dexen un fináu tres trés díes ensin muertes

Enllácense trés xornaes ensin contaxos.

Los datos de la COVID-19 n'Asturies dexaron ayeri una muerte, que pon el total de persones que perdieron la vida cola enfermedá cuasada pol coronavirus SARS-CoV-2 en 333. Dende'l domingu nun se rexistraba fináu nengún nun momentu nel que la pandemia paez tar controlada nestos momentos a la espera de la llegada a la normalidá nueva, ensin casos positivos dende'l llunes.

Na UCI hai anguaño 9 pacientes, 1 más que'l miércoles, y en planta 5, 2 menos. Na xornada recibieron l'alta epidemiolóxica 13 persones, polo que les curaciones ascienden a 1.997.