El país rexistra'l primer día dende los anicios de la serie ensin contaxos nin finaos con COVID-19

El 2 de marzu, enantes de la declaración de pandemia y del estáu d'alarma, foi la última ocasión na que se dio esta situación.

Trés meses depués, Asturies vivió una xornada ensin contaxos nin finaos. Hasta'l momentu hebo díes sueltos nos que nun se dieron positivos o nos que nun se llamentaron muertes, pero nunca los datos de la COVID-19 dexaron en cero al empar dambos rexistros.

Anguaño, poro, hai 2.425 positivos por PCR –1.568 muestres procesaes na xornada– y 321 persones muertes con infeición por coronavirus SARS-CoV-2, los mesmos que'l llunes. Na UCI siguen ingresaos 9 paciente y en planta hai ún más, pa poner el total en 29.

Mentes, 6 contaxaos recibieron l'alta epidemiolóxica, ascendiendo la cifra de curaos a 1.741.