‘Coronavirus’, una serie de dieciséis viñetes d’Efrén d’Andrés

El dibuxante Efrén d’Andrés, qu’espublizara n’Asturies.com numberoses viñetes y la serie ‘Nueche abegosa’, basada nel cuentu del so padre, Mánfer de la Llera, asoleya nesti diariu dixital una historia nueva. Ésta lleva’l nome de ‘Coronavirus’ y trata sobre la pandemia de COVID-19 y les sos consecuencies.

La serie ta formada por 16 viñetes que formen una historia completa. Nelles D’Andrés illustra, col so estilu humorísticu habitual, dellos aspeutos de la pandemia: l’aislamientu, les proteiciones, los aplausos nel balcón o l’abondanza d'espertos, ente otros.

Como novedá con respeuto a los trabayos anteriores, los testos qu’acompañen les viñetes tán escritos en versu, “una cosa que cuantayá que quería facer”, esplica’l dibuxante. Tres la espublización de toles viñetes, éstes xuntaránse n’orde pa que los llectores puedan siguir la historia completa de siguío.