“La idea del poemariu ye poner n’orde la historia personal, les idees y les llectures”, adelanta Barreñada

‘El llar n’orde’ ye’l tercer poemariu de Gonzalo González Barreñada y l’últimu Premiu Xuan María Acebal de poesía. L’autor rellata nun videu p’Asturies.com el significáu y la idea cola escribió esta obra entovía ensin fecha d’espublización pola pandemia de COVID-19, y recita ún de los poemes que la componen, 'Hipergrafía'.

Tres ‘Biografíes’ (2016) y ‘El peso de la lluz’ (2019), dambos llibros editaos por Saltadera, González Barreñada va ver publicáu esti añu’l so tercer poemariu. Ye ‘El llar n’orde’, gallardonáu nos Premios Lliterarios qu’entrega’l Gobiernu al traviés de la Conseyería de Cultura, “que sigue un poco la llinia de diariu sentimental” de los anteriores.

“La idea ye poner n’orde la historia personal, les idees y les llectures”, añade l’autor natural de Sotrondio nesti videu, nel que tamién podemos disfrutar d’un adelantu de la obra. Trátase de ‘Hipergrafía’, poema que nos recita González Barreñada.