Barreñada presenta 'El pesu de la lluz' n'Uviéu

Ye la última obra espublizada pol ganador del Premiu Xuan María Acebal d'esti añu.

Gonzalo G. Barreñada va tar mañana na uvieína Llibrería Trabe pa presentar 'El pesu de la lluz', poemariu espublizáu por Saltadera en mayu. Va ser a les 20 hores nun actu nel que va tar acompañáu por Esther Prieto, copropietaria de Trabe, y nel que se va convidar a los presentes a un vinu tres el mesmu.

L'autor de Sotrondio ta acabante de ganar la estaya de poesía de los Premios Lliterarios qu'entrega la Conseyería de Cultura, Política Llingüística y Turismu cola obra ‘El llar n’orde’. 'El pesu de la lluz' ye'l segundu poemariu qu'espubliza Barreñada tres 'Biografíes' (2016, Saltadera).