La Nueve anuncia cuatro feches pa esti branu

La primera va ser el miércoles n'Avilés.

Los aficionaos al folk nel país van poder disfrutar, de momento, de cuatro conciertos de La Nueve pa esti branu. La banda ḷḷeniza, que debutó en febreru en Cenera y que lleva trés conciertos daos hasta la fecha, tien anunciaes cuatro feches pa esti branu.

El festival avilesín Sol Celta va ser la primer parada de La Nueve esti miércoles, a les 21 hores, na plaza Carlos Lobo. Darréu vendrán conciertos en Faéu (sábadu 23, 22 hores nel Chigre de Faéu), Lledías (sábadu 6 d'agostu, a les 23 hores en fiestes xunto a Duerna) y Piedrasblancas (sábadu 13 d'agostu, a les 14 hores nel Ixuxú Chigrín Folk).