Llaviana va contar con un concursu de tonada

Yá ta abierta la inscripción pal I Concursu de Tonada Cuenca del Nalón.

La productora A Mansalva ye la responsable del entamu d'esta actividá, na que collabora'l Conceyu de Llaviana y l'Asociación Cultural Trazaraíces. El concursu divídese en dos modalidaes, tonada asturiana femenina y masculina, con un máximu de 25 places en cáuna, respetándose l'orde d'inscripción.

El plazu pa unviar la documentación fina'l 29 d'abril al meudía y ha de facese rellenando la fueya qu'apaez como documentu anexu a esta noticia, unviándola darréu A Mansalva al traviés del corréu electrónicu o de redes sociales. Les primeres fases van desendolcase tolos sábados de mayu na Casa la Cultura de La Pola Llaviana mentes que les finales van celebrase los tamién sábadu 4, 11 y 18 de xunu, siendo'l 25 la entrega de premios y la gala de campeones.

El ganador del concursu en cada modalidá va llevar 500 euros, mientres que los siguientes na clasificación van recibir una recompensa de 350, 200, 100, 50 y 30 euros. Amás, los dos vencedores van actuar nes fiestes de la Nuesa Señora d'Otero, el 15 d'agostu, con un caché de 100 euros.