Arranquen les votaciones al Meyor blogue 2010

Otru añu más los blogueros en llingua asturiana entamen los premios al Meyor blogue n’asturianu. Esta edición, aporta cola novedá de que los llectores tamién pueden participar na votación.

Meyor blogue 2010 y Meyor estética 2010 son les categoríes de premiu que repiten otru añu más y nes que namás van poder votar les persones que sían autores de blogues. Sicasí, na estaya Votu del públicu 2010, los llectores van poder votar per primer vez.

El tiempu de votación va durar dende’l 1 al 31 de xineru d’esti 2011 y pue facese al traviés d’una nueva páxina ellaborada gracies a la ferramienta de software llibre Drupal.