Arias, Suari y Piñán recibieron los IX Premios de la Crítica

Los escritores n’asturianu Ismael González Arias, Carlos Suari y Berta Piñán recibieron los IX Premios de la Crítica d’Asturies 2009 na modalidá en llingua asturiana qu’entregó l’Asociación d’Escritores d’Asturies.

Ismael González, collaborador en dellos medios de comunicación y dinamizador de la cultura y llingua asturiana, recibió’l premiu na modalidá de columnismu. La poesía n’asturianu premiada foi la de Carlos Suari col so poemariu “Orbayu d’alfileres”, mentantu que Berta Piñán llevó’l premiu na estaya de lliteratura infantil y xuvenil pola novela “L’Estranxeru”.

D’otra miente, l’ensayista Juan Cueto recibió’l galardón de les Letres y los premiaos en llingua castellana fueron Ignacio del Valle, José Ángel Ordiz Llaneza, Pablo Huerga Melcón y Francisco García Pérez.