Tres dos años de trabayu en comuña y munches vueltes, Softastur anunció en xunu na sede de l'Academia de la Llingua Asturiana que yá yera posible disponer d'Android en llingua asturiana nuna bona cantidá de móviles y tabletes de les principales marques del sector qu'utilicen esti sistema operativu. Pa ello utilicen la ROM modificada de la comunidá CyanogenMod, que dio'l vistu bonu al llabor desendolcáu por esti coleutivu enfotáu en tornar software llibre al asturianu.
Cronoloxia
Esta cronoloxía pretende facer un repasu a feches nes que pasaren acontecimientos que de d'una o otra manera supunxenon un fitu na hestoria de la llingua d'Asturies. Esta ye la nuesa clasificación que pol mesmu calter de la mesma nun dexa de ser arbitraria. Sicasí pue valir pa facese una idea de la evolución de la nuesa llingua nel tiempu.
2014: Android en llingua asturiana
