Espaciu y Tiempu de la Llingua Asturiana

Deprendi Asturianu


En ‘Deprendi asturianu’ vas atopar un cursu col que trabayar mientres los doce próximes meses del añu, anque’l ritmu de deprendimientu y l’avance nel so desarrollu queden de la to mano. Ésti divídise en doce temes, ún por conteníu llingüísticu pa trabayar cada mes. En cada tema hai una serie d'exercicios pa prauticar los conocimientos deprendíos y les correspondientes soluciones.

D’igual forma, ufrimos delles ferramientes pa que puedas afondar na llingua asturiana, como son dellos materiales de consulta, un llistáu de refranes y un completu diccionariu temáticu coles sos traducciones en castellanu y n’inglés.

Esperemos que te preste esta esperiencia y que, al terminar el cursu, disfrutes d’una base d’asturianu que te sirva pa llueu ampliar los tos conocimientos al traviés de la llectura de la nuesa rica lliteratura o del accesu a medios de comunicación en llingua asturiana como Asturies.com.

Introducción

L'asturianu ye una llingua románica que remanez directamente del llatín, mesmo que'l portugués, occitanu, francés, castellanu o sardu. Perteneciente al troncu astur-lleonés, ta reconocida y protexida pol Estatutu d’Autonomía d’Asturies, anquen nun tien la reconocencia de llingua cooficial. Esta situación d’anormalidá y el fechu de que tea declarada llingua en peligru de desaniciu pola UNESCO y otros organismos internacionales nun impide que la so vitalidá sía entovía importante ente la población asturiana.

Gramática básica

Ésta ye la base del cursu, con doce temes colos que poder trabayar. Al final de cáun vas atopar dellos exercicios colos que poner a prueba los tos conocimientos alquiríos.

Materiales

Al traviés de los enllaces qu’atopes nesta estaya del cursu facilitámoste la consulta de duldes o vocabulariu. Asina podrás acceder al Diccionariu de l’Academia de la Llingua Asturiana (ALLA) o’l ‘Diccionario General de la Lengua Asturiana’ de Xosé Lluis García Arias, espublizáu por ‘La Nueva España’. Tamién vas tener accesu a la Gramática y les Normes Ortográfiques de l’ALLA, y al traductor on line asturianu-castellanu Eslema.

Situaciones y frases feches

La llingua asturiana ye rica en refranes. Nesta estaya vas poder consultar dalgunos d’ellos nuna llista en continuu crecimientu.

Vocabulariu temáticu

La meyor manera d’ampliar el to pallabreru ye al traviés del trabayu con diccionarios temáticos. Colores, alimentos o situaciones de viaxes son dalgunes de los temes que t’ufrimos nesta estaya del cursu, tamién cola so torna correspondiente al inglés.

Interferencies asturianu-castellanu

La situación diglósica que vive’l nuesu idioma fai qu’esistan munches interferencies ente l’asturianu y el castellan. Nesta estaya esplicamos dalgunos casos y cómo ye la forma correuta d’emplegar la llingua asturiana.

Cola ayuda de

Coneyería d'Educación y Cultura

Espaciu y Tiempu de la Llingua Asturiana
--Araz.net, © 2010. Tolos derechos reservaos.
Contador Estadistiques