Skip to content

Deportes

11-04-2014

El Leyma Natura y l’Unión Financiera Asturiana vense les cares esti vienres na primer eliminatoria pol ascensu a l’ACB. El conxuntu uviedín afronta esta cita histórica cola intención de ganar y poder sentenciar el domingu 20 en Pumarín.

08-04-2014

Martín Álvarez Espinar ganó la VII Carrera L'Asturcón, segunda prueba de la Copa d’Asturies de Carreres de Montaña, que continúa liderando Víctor Fernández Díez, terceru nel Naranco. Marta Escudero repitió trunfu en categoría femenina.

04-04-2014

Esti domingu va tener llugar la VII Carrera L'Asturcón, segunda prueba puntuable de la Copa d’Asturies de Carreres per Montaña. Les inscripciones tán escosaes, polo que s’espera un ambiente perbonu nesta cita nel Naranco.

28-03-2014

José Luis Bailón Tomás ‘Vaski’, xugador d’El Llano Béisbol Club dende la so fundación nel añu 1986, va disputar el sábadu contra l’Astros el so partíu caberu. El so equipu y el mundu del béisbol va aprovechar pa face-y un homenaxe.

25-03-2014

El sub-23 Víctor Fernández Díez proclamóse ganador de la  III Carrera per Montaña Puerta de Munieḷḷos, prueba qu’abrió’l domingu la Copa d’Asturies de Carreres per Montaña 2014. En categoría femenina la vencedora foi Marta Escudero.

21-03-2014

El domingu va celebrase en Mual la primer de les cinco pruebes que componen la Copa d’Asturies de Carreres per Montaña 2014. Trátase de la III Carrera per Montaña Puerta de Munieḷḷos, pa la que tán inscritos 387 deportistes.

07-03-2014

Per segundu añu, Fontes d’Iviernu va acoyer el Red Bull Home Run. Esta prueba, que combina práutica deportiva con espectáculu, va celebrase’l sábadu y va contar cola participación de 300 esquiadores y snowboarders.

26-02-2014

Coincidiendo cola celebración de los Xuegos Olímpicos de Sochi plantegamos a los nuesos usuarios en ‘Conceyu Abiertu’ si-yos prestaben los deportes d’iviernu. El 52 por cientu declárase aficionáu a estes modalidaes.

14-02-2014

Alredor de 200 deportistes procedentes de tol Estáu van participar nel II Sky Race de Cuitunigru que va tener llugar el domingu. Como complementu, el sábadu van entamase clases de baldre pa novatos na práutica del esquí de travesía.

07-02-2014

Esta fin de selmana va tener llugar en Sotres el II Manzana Split Festival, una de les cites de splitboard más importantes del Estáu. Esta modalidá deportiva en puxanza n'Asturies axunta snowboard, montaña y esquí de travesía.

07-10-2013

La Oficina de Normalización Llingüística presento’l domingu’l ‘Pallabreru de los bolos de Xixón’, obra de Carlos Suari. Nel actu, l’edil Carlos Rubiera afaló a la Federación a contar n’asturianu nes partíes y frenar asina “una perda mui seria”.

04-10-2013

L'equipu col meyor palmarés del deporte asturianu, el Club Patín Xixón Solimar, principia esti sábadu la lliga regular contra’l Bigues i Rielles. María Fernández ‘Pulgui’ continúa nel bancu d’un equipu que pierde a l'arxentina Luchi Agudo.

12-09-2013

Esti vienres llega La Vuelta a Asturies, onde van celebrase dos etapes que van decidir la ronda ciclista. Otru añu más, la carrera d’Unipublic nun respeta la toponimia oficial, dalgo que nun asocede nin en Galicia nin en Catalunya.

22-07-2013

El ciclista xixonés del Equipe Cofidis, Dani Navarro, convirtióse nel cuartu asturianu n’acabar ente los diez primeros clasificaos del Tour. Christopher Froome (SkyTeam) ganó con superioridá la edición númberu cien de la ronda francesa.

21-06-2013

Tres 21 años na presidencia del Sporting, dividíos en dos etapes, Manuel Vega-Arango arrenuncia al cargu. Antonio Veiga va ser presidente en funciones, pero Javier Fernández, fíu del aicionista máximu, apunta pal relevu.

13-05-2013

El veteranu ciclista vascu Amets Txurruka (Caja Rural-Seguros RGA) consiguió’l so primer ésitu como profesional al algamar la etapa inicial y la xeneral de la LVII Vuelta a Asturies. Javi Moreno (Movistar) ganó la XLVII Xuba al Naranco.

26-03-2013

Toni Fidalgo, presidente del Uviéu, confirmó que’l 3 de xunetu va tener llugar una xunta xeneral estraordinaria d’accionistes col oxetivu de camudar el conseyu d’alministración. El rexidor de la entidá dixo “tar hasta los güevos”.

20-03-2013

José Ramón Tuero, direutor xeneral de Deportes, anunció esti miércoles que la temporada d’esquí va allargase una selmana más pola cantidá de nieve acumulada nes estaciones. Asina, ésta va zarrase’l 7 d’abril y non el Domingu santu.

29-10-2012

El I Troféu Benéficu de Fútbol-sala ‘Asturies por África’ va tener llugar esti xueves nel Florida Arena. Los veteranos del Uviéu y del Universidá van enfrentase pa recaudar perres pa construyir un pozu d’agua potable nun pueblu de Gambia.

23-10-2012

Fútbol Club Barcelona, Espanyol y los clubes catalanes que militen en Segunda y Segunda División B comprometiéronse a trabayar pa la “internacionalización” de la seleición del país. Namái L’Hospitalet refugó roblar esti conveniu.