Dende esti miércoles, la ciudadanía podrá consultar les nómines del presidente y de los conseyeros, ente otres informaciones, nel nomáu Portal de Tresparencia. L’Executivu trabaya na ellaboración de la Llei de Tresparencia.
‘Endangered languages’ ye’l nome del proyeutu que ta acabante d’entamar Google pa salvar idiomes en peligru de desaniciu. Nel llistáu de 3.054 llingües ta incluyíu l’asturianu y el mirandés, amás del aragonés y el catalán de signos.
Iniciativa pol Asturianu ta acabante d’anunciar l’alcuerdu col que llegó con Splitweet pa qu’incorpore la llingua asturiana al so serviciu. Splitweet ye un xestor de cuentes de Twitter afayadizu pa usuarios con dellos perfiles na rede social.
Android Market tien a disposición de los usuarios una versión nueva de l’aplicación ‘Diccionariu’ pa los móviles qu’usen esti sistema operativu, según anunció esti martes Softastur nel so blogue. Ésta trae delles meyores y ye de baldre.
700 siguidores en Facebook y 500 en Twitter. Asturies.com continúa sumando amigos nes redes sociales nun procesu d’adaptación a los tiempos coincidiendo cola celebración del 15 aniversariu d’esti portal de noticies n’asturianu.
‘Reunido’ ye’l nome de la plataforma entamada pola Universidá d’Uviéu pa la consulta y descarga de les sos revistes científiques. L’oxetivu ye facilitar l’accesu llibre a la investigación especializada que se fai na institución universitaria.
L’equipu de traductores de software llibre n’asturianu, Softastur, completó la torna del cliente de corréu multiplataforma Thunderbird na so edición 10.0. Esti programa ye creación de la Fundación Mozilla, autor tamién del restolador Firefox.
Na madrugada del xueves –hora asturiana– morrió Steve Jobs, cofundador d’Apple y ún de los principales motores de la evolución informática con creaciones como los ‘Mac’ o’l ‘Iphone’. Un cáncer de páncrees finó cola so vida.
La Biblioteca Dixital Mundial de la Unesco nació esti mes con más de 1.200 documentos en llinia que van dir ampliándose de forma progresiva. Esta ferramienta permite consultar testos, grabaos, mapes o semeyes de gran valir históricu.
El xigante estauxunidense del ‘e-commerce’, Amazon, ta acabante d’abrir tienda nel Estáu, dalgo que va revolucionar el comerciu estatal. Ente la so ufierta amplia de productos de too tipu nun hai referencies bibliográfiques n’asturianu.
Según anuncien dende’l coleutivu Softastur, la versión 5 de Firefox, “el restolador web más usáu n’Europa y emblema del software llibre nel mundu” yá pue descargase de baldre n’asturianu. Esta versión trae delles novedaes importantes.
Baxo la etiqueta #motivosparael19J, los internautes indignaos tán argumentando les razones que-yos lleven a movilizase'l 19 de xunu. Nesa fechan tán previstes manifestaciones en tol Estáu del movimientu ‘Democracia real yá’.
Les persones que usen teléfonos Android yá pueden descargar la primer aplicación llibre pa móviles dafechu n’asturianu. Trátase d’una versión del diccionariu de l’ALLA desarrollada pol avilesín David Rodríguez Álvarez en collaboración con Softastur.
Les redes sociales van ser perimportantes nel procesu de normalización del asturianu. Asina lo manifiesten la mayor parte de los usuarios d’Asturies.com que participaron na encuesta del nuesu Conceyu Abiertu.
Los usuarios tienen dende esti xueves a la so disposición la versión 11.04 d’Ubuntu. El sábadu, na FNAC, va celebrase una presentación del sistema operativu y les persones que lleven el so ordenador van poder instalalu de baldre.
La Orde Ministerial de la Presidencia que regula’l canon dixital dende’l 2008 foi anulada esti xueves pola Audiencia Nacional. Ello nun quier dicir que desapaeza esta tasa, puesto que la ministra señaló que’entren en validez les tarifes del 2006.
Softastur ta acabante d’anunciar la xubida a la rede de la versión 4.0 del Firefox de Mozilla. Esta versión nueva del restolador web ta disponible en llingua asturiana de baldre pa tolos sistemes operativos.
Toles persones que cuenten con un dispositivu d’accesu a Internet van poder disfrutar d’Internet de baldre en dellos puntos de Xixón dende esti martes. Los internautes van navegar a una velocidá de 512 Kb.
L’aplicación permite acceder a información de tolos agospios asociaos a la Unión Hotelera del Principáu d’Asturies y a una axenda d’actividaes turístiques, culturales y gastronómiques. Una ferramienta mui útil pa asturianos y visitantes.
La rede de blogues Ocio Networks ta acabante de publicar los datos d’una encuesta fecha ente internautes asturianos. Ésta señala que’l 87 por cientu usen una rede social. Facebook ye la más mayoritaria de toes.
