Vázquez Cárcaba devuelve'l Mac Crimmon a Asturies

El LI Festival Interceltique de Lorient entamó de la meyor manera pa la delegación asturiana nel añu na que ye convidada d’honor. El gaiteru sierense Fernando Vázquez Cárcaba ganó’l XXV Trophéee Mac Crimmon, que vuelve asina a Asturies depués del últimu trunfu gallegu.

Llueu de seis años siguíos llevando’l troféu, nel 2019 finaría esta gran racha asturiana na competición na que 8 gaiteros, 4 de cada país, toquen pieces bretones, asturianes y ha llegues, pola apaición de María López, la más moza en ganar na historia del concurso al contar namái con 14 años. Trés depués, nos que la pandemia impidió la celebración de la competición entemedies, Vázquez Cárcaba devolvió esti concursu a Asturies.

El de Lieres recibió la mayor puntación del xuráu y ganó’l Mac Crimmon depués de dellos intentos n’ediciones pasaes al clasificar pel aciu del Memorial Remis Ovalle, que tamién ganó esti añu. Completaron la representación asturiana Jaime Álvarez Fernández (vencedor nel 2017 y segundo clasificáu’l sábadu), Daniel Meré y Diego Lobo, mentes que por Galicia participaron Diego Prieto, Jorge Castell, Manuel Ramón Seoane y Xesús Rodríguez Callejón.