"Vamos conquistar Asturies", señaló Casado tres ganar nel congresu del Partido Popular (PP)

|
Pablo Casado

Los compromisarios escoyeron como presidente del partíu al segundu más votáu pola militancia, en detrimentu de Sáenz de Santamaría, con un 57 por cientu d'apoyos.

Pablo Casado sumó 1.701 sofitos de los 2.973 votos emitíos –había 3.082 compromisarios con derechu–, por 1.250 pa la ex vicepresidenta del Gobiernu. 18 papeletes foron en blancu, mentes que 4 declaráronse nules.

D'esta forma, Soraya Sáenz de Santamaría, la más votada pola militancia (36,95 por cientu del total) perde la presidencia del PP frente a Casado (34,30 por cientu), lo que supón un xiru hacia la derecha del partíu lideráu hasta agora por Mariano Rajoy. Nel so discursu tres algamar el cargu, el presidente nuevu citó a Asturies namái una vegada dientro d'una parte na que foi citando tolos territorios estatales: "n'Asturies dicen que d'ellí a abaxo ye too tierra conquistada; nós tamién vamos conquistar Asturies", apuntó.

Contador Estadistiques