Sáenz de Santamaría y Casado pasen el corte de les primaries del PP

|
Datos provisionales primaries PP completu

De Cospedal foi la ganadora n'Asturies.

Soraya Sáenz de Santamaría foi la candidata con más apoyos na primer vuelta de la votación pa escoyer al sucesor de Mariano Rajoy na presidencia del Partido Popular (PP) celebrada ayeri. La ex vicepresidenta del Gobiernu estatal, a falta de los resultaos oficiales que se confrimarán el llunes, algamó 21.530 votos (36,95 por cientu del total) polos 19.967 de Pablo Casado (34,30 por cientu).

Queda fuera de la carrera María Dolores de Cospedal, que sumó 15.090 (25,90 por cientu). La secretaria xeneral del PP, que recibió l'apoyu de Mercedes Fernández mientres la campaña, foi la que tuvo más sofitos n'Asturies: un 49,3 por cientu por un 29,2 por cientu de Sáenz de Santamaría y un 20,3 por cientu de Casado.

Más lloñe quedaron los otros candidatos. José Manuel García-Margallo rexistró 680 votos (1,17 por cientu), José Ramón García Hernández 668 (1,15 por cientu) y Elio Cabanes 185 (0,32 por cientu).

El Congresu, los díes 20 y 21

El futuru presidente del PP va salir escoyíu nel Congresu que se va desendolcar los díes 20 y 21. Van ser los 3.184 compromisarios presentes, 2.612 escoyios na segunda urna de les primaries, los que van decidir ente Sáenz de Santamaría o Casado.

Contador Estadistiques