Una empresa con riesgu

La multinacional Heritage Petroleum PLC yá tien el preste del Gobiernu asturianu pa sacar alantre un proyectu d'estracción de gas nes cuenques mineres, dempués de más de dos meses a información pública nos que nun se recibió alegación nenguna. El proyectu de la Heritage albarca diez conceyos nes cuenques del Nalón y Caudal, nos que na compañía quier estudiar la esistencia de de bolses de gas metanu arreyaos a antiguos pozos mineros.

La Heritage Petroleum ye una compañía especializada n'esplotar a baxu coste antigues mines y yacimientos de gas y petróleu abandonaos por ser poco rentables, como ye'l casu del proyectu que tienen funcionando na rexón del Niágara en Michigan. Heritage Petroleum, que tien sedes en Mónaco y Londres, ciudá na que cotiza en mercáu de valores, pero non na bolsa normal, sinon nel OFEX, un mercáu más pequeñu nel que tan empreses pequeñes y medianes, sociedaes de riesgu y equipos de fútbol como'l Manchester.