Sigue'l descensu de pacientes ingresaos na UCI y en planta
|
29 Abril, 2020 por Redacción
- Inicie sesión o rexístrese pa espublizar comentarios
El martes rexistráronse 11 positivos con prueba por PCR y 98 por tests d'anticuerpos.
Asturies cuenta anguaño, según los datos actualizaos ayeri a les 20 hores, con 38 pacientes na UCI y 231 en planta. En comparanza con hai una selmana supón un descensu de 18 y 103 ingresaos, de manera respeutiva, tres rexistrar una baxada continua dende'l día 21, cuando había 56 y 334.
Nes 24 hores últimes confirmáronse un total de 109 positivos nuevos de COVID-19, anque namái 11 foron por PCR. Nesta xornada la Conseyería de Salú nun informó de la cantidá de muestres procesaes.
El peor datu del día foron les 5 muertes, que ponen el total de finaos pola enfermedá causada pol coronavirus SARS-CoV-2 en 266. Mentes, rexistráronse 29 curaciones pa llegar a les 809.
Efrén d'Andrés
