Más de 20 pacientes algamen l'alta cada día

El miércoles rexistráronse 17 positivos con prueba por PCR y 14 por tests d'anticuerpos.

Ente 20 y 30 curaciones diaries. Son les cifres que ta rexistrando la pandemia de COVID-19 n'Asturies nes selmanes últimes, con dalguna esceición, como'l domingu 19, cuando hebo 3, o esti sábadu con 36.

Si miramos los datos dende'l citáu día 19 vemos como'l númberu de pacientes diarios que pasa la enfermedá provocada pol coronavirus SARS-CoV-2 ye constante: 17, 26, 23, 25, 28, 36, 10, 21, 29 y 26. Anguaño hai 835 persones col alta epidemiolóxica.

No que respeuta a los positivos nuevos, la cifra tornó a aumentar no que respeuta a les pruebes por PCR, anque sigue siendo baxa. Ayeri rexistráronse 17, polos 11 del martes y l'únicu casu del llunes, mentes que por anticuerpos hebo 14.

Les muertes nun descienden

La parte más negativa de los datos, actualizaos a les 20 hores d'ayeri, ye'l númberu de muertes. Éstes nun acaben de frenase y ayeri sumáronse 7 más a les 266 esistentes, pa poner el total de finaos en 273.

Sí baxaron los pacientes na UCI, en concreto 4, y en planta, 18. Anguaño hai 34 y 213 ingresaos, de manera respeutiva.