Sigue la medra de turistes estranxeros, anque baxen les cifres globales

Datos del INE del primer semestre del añu.

Asturias recibió 145.800 turistes estranxeros nel primer semestre, un 5,8 por cientu más que nel mesmu periodu del 2017, según los datos publicados espublizaos güei. Sicasí, si miramos datos globales el númberu de visitantes baxó nun 2,8 por cientu, un 3,8 por cientu si tenemos en cuenta el númberu d'agospios.

Ente xineru y xunu aportaron al país 852.596 turistes, que fixeron 1.711.199 nueches, de les que 276.063 foron persones procedentes de fora del Estáu. No que respeuta al turismu rural, esperimentó una medra del 1 por cientu hasta alcanzar los 93.561 viaxeros.

El direutor xeneral de Comerciu y Turismu, Julio González Zapico, destacó'l comportamientu del turismu internacional como “ún de los principales llogros de los últimos años”, dao que representa yá'l 17 por cientu del volume global.