Recupérase l'autocar públicu al aeropuertu

El serviciu retomóse'l domingu tres suspendese'l día 18 pola mengua de vuelos.

Anque nun primer momentu la decisión yera anular los autocares públicos al Aeropertu d'Asturies hasta'l fin del estáu d'alarma por cuenta de la pandemia de coronavirus SARS-CoV-2, el Gobiernu reculó y ayeri punxo a funcionar otra vegada'l serviciu. Con vuelos namái a Madrid y Barcelona programaos hasta'l 20 d'abril, van caltense los percorríos habituales, esto ye, el d'Uviéu y el de Castrillón, Avilés y Xixón, que van aguardar na parada del aeropuertu hasta un máximu de 90 minutos en casu de retrasu del vuelu.

Les webs del Consorciu de Tresportes d’Asturies (CTA) y de la compañía ALSA, operadora del serviciu, van publicar de manera diaria l’horariu afitáu pa los desplazamientos en función de los vuelos de los díes y selmanes vinientes. Sicasí, el Gobiernu aconseya realizar una confirmación el día enantes na web o nel teléfonu del CTA por si hubiere cambios.

Semeya obra de Savh baxo llicencia CC BY-SA 3.0.