Asturies queda ensin vuelos regulares depués de Selmana Santa

Hasta al menos el día 29 nun van retomase les conexones con Madrid y Barcelona, les úniques esistentes nes selmanes últimes.

L'Aeropuertu d'Asturies queda ensin vuelos regulares. El de mañana y el del domingu a la capital del Estáu van ser los últimos mientres dure la segunda prórroga del estáu d'alarma que s'aprobará mañana nel Congresu, operando estes dos selmanes próximes namái baxo demanda.

Dende'l 15 de marzu hasta güei volaron únicamente 2 aviones a Málaga,  2 a Sevilla, 3 a Alacant, 1 a València, 25 a Madrid y 10 a Barcelona, siendo l'últimu a la capital catalana esti llunes. Dada esta situación, interrúmpese otra vuelta'l serviciu d'autocar públicu dende Uviéu y dende Xixón, Avilés y Castrillón hasta que se recupere la normalidá operativa.

Semeya obra d'Acebal baxo llicencia CC BY 2.0.