Política Llingüística anuncia’l calendariu de los xuraos de los Premios Lliterarios 2020
- Piñán califica de “imprescindibles” los Premios Lliterarios n’asturianu, llingua “que tamos obligaos a caltener, defender y normalizar”
- Vázquez gana con ‘El sol na escombrera’ el so segundu Alfonso Iglesias de cómic
- El poemariu ‘Tayu’, de Fernández-Osorio, obra merecedora del XXVI Premiu Xuan María Acebal
- ‘Hai una llinia trazada’, de Xune Elipe, lleva’l XXVI Premiu Máximo Fuertes Acevedo d’ensayu
- El XIII María Xosefa Canellada ye pa la obra ‘La curuxa Catuxa’ fecha a comuña por Vero Suari y Inaciu Galán
- Un Xosefa Xovellanos de “nivel escelente” merezlu Sidoro Villa por 'El fervinchu'
|
1 Setiembre, 2020 por Pablo R. Guardado
- Inicie sesión o rexístrese pa espublizar comentarios
La Conseyería de Cultura, Política Llingüística y Turismu comunicó per primer vegada'l calendariu d’aconceyamientu de los xuraos de los Premios Lliterarios 2020. El primer fallu de les cinco estayes de los gallardones va tener llugar esti martes y va corresponder, como ye vezu, al más nuevu, l'Alfonso Iglesias de cómic.
Antón García, direutor xeneral de Política Llingüística, va presidir ésti y tolos xuraos. A les 17.30 hores va vese na sede del so departamentu cola escritora Mariluz Pontón, la profesora Tamara Collar, la dibuxante Raquel Llagartos, la historiadora d’arte Mercedes Menéndez y Ruma Barbero, ganador de la edición del añu pasáu con ‘Seltegu’, pa decidir el merecedor de la presente, la decimosegunda.
El siguiente premiu que se va fallar ye’l Xuan María Acebal de poesía, el día 23, pa siguir n’ochobre col Máximo Fuertes Acevedo d'ensayu y el María Xosefa Canellada de lliteratura infantil y xuvenil, el 7 y el 21, de manera respeutiva. El xuráu del más veteranu, el Xosefa Xovellanos de novela, ta convocáu pal 11 de payares.
Los Premios Lliterarios tienen toos una recompensa de 5.000 euros. A ellos hai que sumar el Premiu y Festival Nel Amaro de Teatru Profesional en Llingua Asturiana o Gallego-asturiano, valoráu en 6.000 euros, qu’esti añu vive la so cuarta edición y que s’entrega tamién na gala d’estos gallardones.
Efrén d'Andrés
