Podemos refuga la propuesta de Llamazares

Enrique López Hernández, diputáu de Podemos Asturies, aseguró que la so formación refuga la propuesta fecha por Gaspar Llamazares de negociar los presupuestos del país a trés bandes xunto cola FSA-PSOE. Esixe un "un documentu sobre la mesa" al Gobiernu.

La organización morada alvirtió al Executivu de Javier Fernández que si caltién la mesma posición que l'añu pasáu, Asturies tará condenada a una prórroga presupuestaria nueva. "Ellos sabrán lo que faen", apuntó López Hernández.

Dende Podemos esixen a la FSA-PSOE la presentación d'un anteproyeutu de presupuestos enantes d'entamar cualesquier negociación. Nél consideren deberíen tener un papel importante'l rescate ciudadanu, la llucha contra la corrupción o una fiscalidá progresiva, ente otros aspeutos.