"La prórroga presupuestaria sólo favorez a la derecha asturiana", afirma Llamazares

|

La negativa de Podemos a negociar a trés bandes los presupuestos y la "falta de lideralgu del Gobiernu de Javier Fernández" condenen a Asturies "a una prórroga presupuestaria permanente", afirma Gaspar Llamazares. Entiende que la situación "sólo favorez a la derecha asturiana".

“Les posiciones de falta de lideralgu del Gobiernu de Javier Fernández, y les posiciones también de zarru al diálogu de Podemos, reproducirán problablemente otra vez el desalcuerdu y la prórroga presupuestaria. Y esi desalcuerdu y esa prórroga sólo favorecen a la derecha asturiana, al igual que, a nivel del Estáu, el desalcuerdu, la falta de diálogu, la falta de alternativa d'izquierda, namái favorece a Rajoy”, afirma'l voceru d'Izquierda Xunida na Xunta Xeneral, que'l miércoles propunxera una mesa de negociación a trés bandes cola FSA-PSOE y Podemos.

Llamazares ve indispensable un esfuerciu pa sacar del atascu al país. "Somos partidarios de lo mesmo a nivel del Estáu que n'Asturies, y ye un alcuerdu de les izquierdes y, si ye posible, d'un alcuerdu de Gobiernu. Pero pa ello ye necesario empezar a trabayar”, afala.

Asina, reivindica la necesidá abordar “lo importante”, de forma tripartita, “por exemplu, agora, la reforma fiscal y el futuru presupuestu pal 2017. Ésa ye la postura d' IX Asturies”.

Contador Estadistiques