Piñán considera'l proyeutu Falamos un "ésitu completu"
- La preinscripción pal proyeutu de formación p’adultos nes llingües del país Falamos ta abierta
- El presupuestu pa la promoción del asturianu nel 2023 rexistra’l mayor aumentu de la llexislatura, un 14,97 por cientu
- El presupuestu de Cultura dedica 40.000 euros pa "llevantar y restaurar" l’horru d’El Pedrosu
- Cultura crea una llinia de subvención a asociaciones pa la normalización del asturianu con una dotación de 50.000 euros
|
12 Avientu, 2022 por Redacción
- Inicie sesión o rexístrese pa espublizar comentarios
Los cursos semipresenciales de baldre de formación non reglada p’adultos n’asturianu y gallego-asturiano van potenciase nel 2023.
Diecinueve cursos en dieciséis conseyos conformen el proyeutu pilotu Falamos, entamáu xunto cola Federación Asturiana de Conceyos, que va tener continuidá nel 2023, pa lo que s'incluyó una partida mayor nos Presupuestos del 2023. Asina, pasa de 86.000 a 131.500 euros.
"Queremos qu'alcancé un mayor númberu de conceyos, conscientes del ésitu completu qu'esti añu tán teniendo estos cursos que se plantegaben como un proyeutu pilotu que yá de mano tuvimos qu'ampliar y que queremos volver a ampliar pa que llegue a toa Asturies", rescampló Berta Piñán, conseyera de Cultura, Política Llingüística y Turismu, na presentación de les llinies principales del so departamentu nos Presupuestos del 2023 que fixo ayeri en Tineú. Mieres (2 ediciones), Uviéu (2), Ribeseya, Llanes, Bimenes, Llangréu, Carreño, Corvera, Grau, Valdés, Ḷḷena, Llaviana, Castrillón, Tapia, El Franco, Navia y Xixón son los llugares onde tán desendolcándose Falamos, que fina esti mes la primer edición.
Na semeya, Piñán y José Ramón Feito, alcalde de Tinéu, qu'acompañó a la conseyera.
Efrén d'Andrés
