Otero favoreció a Igrafo y APSA col conocimientu d'Iglesias Riopedre

El xuez Rodríguez Santocildes procedió a la llectura de la sentencia del 'Casu Marea'.

Ésta afita que María Jesús Otero, ex direutora xeneral n’Educación y persona que lleva una condena mayor (9 años y mediu de cárcel y una multa de 2.500.000 euros), favoreció a les empreses Igrafo y APSA con too tipu de contratos, "singularmente menores, homologaos y negociaos ensin publicidá", siempre con conocimientu del ex conseyeru José Luis Iglesias Riopedre (seis años y multa de 400.000 euros). A cambiu, Otero recibía regalos y atención par parte de les firmes de Victor Manuel Muñiz, ex xerente d’Igrafo (6 años y 6 meses, y 1.500.000 euros) por valor de 1.060.000 euros, y Alfonso Carlos Sánchez, ex propietariu d’APSA (6 años y 6 meses, y 1.900.000 euros), por 803.000 euros.

Iglesias Riopedre, mentes, viose beneficiáu por contrataciones a una empresa del so fíu. Otra manera, la funcionaria Marta Renedo (9 años y una multa de 480.000 euros), persona pola que se desatapó la trama, delinquió per una década desviando perres públiques a delles cuentes qu'abrió suplantando identidaes y falsficando firmes de responables políticos hasta algamar los 1.889.217,04 euros, a lo qu'hai que sumar cerca de 500.000 euros en regalos de les empreses de la trama.