Mediu Ambiente anuncia un ameyoramientu de la contaminación n'Avilés

|
Contaminación n'Avilés domingu 24 de febreru del 2019

Tráficu confirma que nun va multar a los conductores que superen los 90 quilómetros per hora nes autovíes del área central.

Benigno Fernández Fano, viceconseyeru de Medio Ambiente, anunció esta mañana un ameyoramientu na zona d'Avilés y, en menor midida, n'Uviéu y Xixón. Nestas dos zones persisten niveles de superación del valor mínimu de partícules de diámetru inferior a diez micres (PM 10) establecíu nel nivel 1, d'avisu, del protocolu nes estaciones de Llugones (Siero) y les aveníes Arxentina y Hermanos Felgueroso de Xixón.

Na área Avilés, sólo la estación de plaza de La Guitarra supera el valor mínimu de PM 10 afiráu nel nivel 0 del protocolu. "Vamos caltener los mesmos niveles d'alerta qu'hai na actualidá anque la situación va ameyorando pasu a pasu", apuntó Fernández Fano, que destacó que les previsiones de ventilación pa estos díes son favoratibles.

Oxetivu, concienciar

Les pallabres d'ayeri d'Elena Marañón, direutora general de Prevención y Control Ambiental, sobre posibles multes a conductores que nun respeten les llendes de velocidá tar tolos radares del área central axustaos a 90 quilómetros per hora dende la entrada del nivel 1 del protocolu de contaminación foron retrucaes pola xefa autonómica de Tráficu. Raquel Casado confirmó que la única aición al respeuto que fixo la DXT foi incorporar l'avisu a los paneles informativos y que la prioridá d'esta midida ye concienciar y non sancionar, polo que s'escarta la llegada de multes.

Na semeya, imaxe d'Avilés del domingu onde se pue apreciar una boina de contaminación sobre'l llugar. Fotografía propiedá del Colectivo Ecologista de Avilés.

Contador Estadistiques