Martínez Oblanca da positivu en Cabueñes nun test rápidu

El diputáu de Foro nel Congresu ta a la espera de que se confirme'l resultáu por PCR.

Isidro Martínez Oblanca dio positivu por coronavirus nun test rápidu, que deteuta anticuerpos nel paciente. El congresista taba ayudando como enfermeru nel hospital de la Cruz Bermeya en Xixón en plantes nes que nun había contautos con pacientes de COVID-19.

Los síntomes llegaron-y la selmana pasada en Madrid, onde se desplazó pa participar nel Congresu na sesión d'alderique sobre la cuarta prórroga del estáu d'alarma. Martínez Oblanca votó en contra, posición que nun defende'l so partíu, como treslladó nuna carta la direición de Foro esta fin de selmana.

Na semeya, Martínez Oblanca'l miércoles pasáu na so intervención nel Congresu.