Sánchez asegura l'apoyu de Ciudadanos, EAJ-PNV y Coalición Canaria pa caltener l'estáu d'alarma

El PP anuncia l'astención na votación.

Pedro Sánchez aseguró a última hora d'ayeri l'apoyu de Ciudadanos a la cuarta prórroga del estáu d'alarma, única alternativa que'l Gobiernu estatal manexa pa enfrentase a la pandemia de COVID-19 y alternativa única pa caltener la restricción de movimientos de la población. La condición puesta pola formación naranxa yera que los ERTE y les ayudes quedaran desvenceyaos del estáu d'alarma y un alderique mayor coles autonomíes sobre la desescalada.

EAJ-PNV, tres l'aceptación de la resolución presentada ayeri pol partíu sobre'l compromisu de negociación por parte del Executivu coles comunidaes, y Coalición Canaria-Nueva Canarias (CCa-PNC-NC) tamién confirmaron esta mañana el so votu favoratible, lo que garantizaba l'aprobación de la cuarta prórroga depués de la incertidume que provocó l'anuncia d'ERC de diba oponese y la posición ambigua del PP. Finalmente, los populares anunciaron que van astanese na votación que va facese esta tarde nel Congresu.

Na semeya, Aitor Esteban, voceru d'EAJ-PNV na so intervención nel alderique.