Madrid refuga'l pidimientu d'Asturies del confinamientu domiciliariu

|
Salvador Illa

El país nun tien competencies pa ello. El martes va celebrase un aconceyamientu telemáticu ente les dos alministraciones.

El ministru de Sanidá, Salvador Illa, nun tardó en refugar el pidimientu d'Asturies de poder establecer un confinamientu domiciliariu de 15 díes pa controlar la pandemia de COVID-19. "Nun ye dalgo que preveamos nin no que teamos trabayando", aseguró en catalán nuna conferencia telemática.

Tamién pidió a les autonomíes en non entrar "nuna competición a ver quién pon les midíes más dures". Esta mañana'l presidente Adrián Barbón anunció'l pieslle dende'l miércoles "d’una parte mayoritaria de les actividaes económiques qu’esisten na comunidá autónoma” y el so deséu d'establecer el confinamientu domiciliariu de 15 díes.

"Creemos que ye vital restrinxir la movilidá", aseguró'l llavianés, que s'atopa agora cola negativa de Madrid pa poder garantizar la salú de les asturianes y asturianos.

Última hora

El Ministeriu de Sanidá anunció pa mañana, a les 12.30 hores, una xunta telemática col Gobiernu d'Asturies encabezada por Illa.

Na imaxe, Illa'l vienres na so intervención pa presentar los Presupuestos Xenerales del Estáu no que respeuta a la Sanidá. Semeya de Pool Moncloa/Fernando Calvo.

 

Contador Estadistiques