Los quince puntos más destacaos del Plan de Normalización Llingüística de Xixón 2016-2019

El Plan de Normalización Llingüística de Xixón ta conformáu por 68 puntos dividíos en cinco árees, depués de que'l Conseyu Asesor de la Llingua decidiera retirar ún por cuestiones téuniques a pidimientu de la Unión de Comerciantes de Gijón/Xixón. Un cambiu que nun modifica l'espíritu del documentu.

N'Asturies.com facemos una esbilla de los quince puntos más destacaos de dicho plan, asina como del plazu marcáu pa la so execución:

SECTOR ALMINISTRACIÓN NEL CONCEYU

1) Adautar el Manual d’Identidá Gráfica del Conceyu que recueye la imaxe corporativa y los distintos logotipos a un usu billingüe.

Plazu: 2017

2) Usu del logotipu del Conceyu n’asturianu o billingüe nes dependencies municipales, nos vehículos, paneles y lletreros de víes públiques y edificios municipales.

Han ser bilingües:

Los cartelos y plaques informatives.

•  La rotulación d’uniformes de los y les trabayadores municipales.
•  La señalización de los llugares d’interés turísticu.
• Cualesquier otru mediu o formatu utilizáu pa espeyar la imaxe exterior o institucional del Conceyu.
  Plazu: dende 2016 pa toles nueves rotulaciones y pal restu los casos según se vayan modificando o anovando.
   

13) Usar l’asturianu na publicidá institucional del Conceyu (cartelos, anuncies nos medios de comunicación, campañes, axendes informatives de los Centros Municipales...).

Plazu: Pasu ente pasu dende ‘l segundu trimestre de 2016.

16) Procurar l’usu del asturianu na publicidá, información y publicaciones d'eventos relevantes de Xixón programaos a lo llargo l’añu que tengan de ver cola proyeición esterior del Conceyu p’asina fomentar la imaxen cultural del propiu Conceyu y venceyala col asturianu; ya seyan los entamaos pol Conceyu de Xixón o nos qu'ésti participe de manera preminente.

Plazu: Pasu ente pasu dende ‘l segundu trimestre de 2016.

18) Avanzar nel usu del asturianu per parte de los representantes municipales, sobre manera naquellos eventos de relevancia na vida social de la ciudá y nos actos oficiales o institucionales.

Plazu: dende 2016

20) Valorar el conocimientu del asturianu nel accesu a la función pública y na promoción interna y concursos de méritos o convocaos pol Conceyu de Xixón, cuando les característiques del puestu y la naturaleza de les funciones que vayan desarrollar lo requieran.

Plazu: dende 2016

24) Promover ente les autoridaes y cargos públicos cursos d’iniciación a la llingua asturiana.

Plazu: cuartu trimestre de 2016

27) Usar los topónimos oficiales nes señales urbanes, nos mapes y nos documentos oficiales y d’usu na Alministración.

Plazu: dende’l primer trimestre de 2016 pa los documentos alministrativos y los programes informáticos d’usu de los y les trabayadores y pal restu los casos según se vayan modificando o anovando.

28) Coordinase col restu de conceyos d’Asturies, cola Alministración del Principáu d’Asturies y cola Alministración del Estáu, al envís de comunica-yos la llista de topónimos oficiales y otros usos llingüísticos que’l Conceyu determine.

Plazu: dende marzu de 2016

ENSEÑANZA Y TRESMISIÓN XENERACIONAL

33) Estudiar la creación d’ un programa pilotu del asturianu como llingua vehicular nel ciclu de 0-3.

Plazu: Dende setiembre 2016

40) Diseñar una campaña de promoción del asturianu empobinada a les madres y los padres.

Plazu: 2017

SECTOR SOCIOECONÓMICU

45) Roblar convenios de collaboración con distintes asociaciones empresariales pal desarrollu d’actividaes de promoción de la llingua asturiana.

Plazu: 2017

52) Crear un premiu y/o un reconocimientu institucional pa los establecimientos qu’usen l’asturianu.

Plazu 2017

SECTOR SOCIOCULTURAL Y DEPORTIVU

60) Garantizar la presencia de la Llingua asturiana nes fiestes del Conceyu y nos principales acontecimientos sociales y deportivos.

Plazu: dende 2016

SECTOR MEDIOS DE COMUNICACIÓN Y NUEVES TEUNOLOXÍES

67) Mantener alcuentros colos responsables de los distintos medios de comunicación pa garantizar la presencia del asturianu na información que remanen y l'usu correctu de la toponimia.

Plazu: 2017