Los PXE salen pal Senáu cola partida de 40.000 euros pa l'ALLA aprobada

El Congresu validó les cuentes del PSOE y Xuníes Podemos con 188 votos favoratibles.

El trámite parllamentariu de los Presupuestos Xenerales del Estáu sigue alantre tres la votación de les enmiendes parciales col apoyu d'ERC, EAJ-PNV, EH-Bildu, PDeCAT, Más País, Nueva Canarias, Compromís, Teruel Existe y PRC. Agora pasen al Senáu pa la so aprobación definitiva, nel casu de que nun s'incluyan modificaciones, na sesión del día 22, entrando a valir el 1 de xineru.

Éstos van contar per primer vegada con una partida específica pa l'Academia de la Llingua Asturiana (ALLA), que va recibir 40.000 euros de les cuentes estatales, un fechu históricu pal idioma. La enmienda presentada pol PSOE y Xuníes Podemos al respeuto aprobóse na Comisión de Prespuestos hai dos selmanes, polo que s'incluyó de manera direuta nel Dictame de los PXE, informen dende Podemos.

Na semeya, aplausos pa María Jesús Montero, ministra de Facienda, tres l'aprobación de los PXE nel Congresu.