Los 40.000 euros de los PXE pa l'ALLA van permitir la ellaboración del diccionariu del gallego-asturiano

|
Berta Piñán comparecencia presupuestos panorámica

Piñán recordó na Comisión el cuarentenu aniversariu de la institución académica.

Na so intervención na comparencia informativa pa dar a conocer el Proyeutu de Presupuestos del 2021 de la Conseyería de Cultura, Política Llingüística y Turismu, Berta Piñán aprovechó'l momentu nel que falaba del aumentu de la partida pa l'Academia de la Llingua Asturiana (ALLA) en 10.000 euros, de 220.000 a 230.000, pa "recordar tamién la novedá estraordinaria que supón pa esta institución la partida de 40.000 euros que figuren nos Presupuestos Xenerales del Estáu, que-y van permitir facer, ente otres actividaes, el diccionariu del gallego-asturiano". L'asturianu dispón d'esta importante ferramienta dende xunu del 2000, remantando asina un llabor normativu entovía en procesu pa la llingua del occidente del país.

PSOE y Xuníes Podemos incoporaron esti añu una enmienda a los sos propios Presupuestos Xenerales del Estáu pa cumplir cola demada vieya d'igualar de que l'ALLA pudiera acceder a fondos estatales, al igual que'l restu d'academies. Sicasí, la cantidá entovía ta lloñe de lo que reciben les restantes, yá que'l Ministeriu de Ciencia y Innovación reparte 311.380 euros a la Real Academia Galega y al Institut d’Estudis Catalans, y 220.000 a Euskaltzaindia, mentes que pa la Real Academia Española van 6.827.420 y pa la Comisión Permanente de la Asociación de Academias de la Lengua Española, 83.650.

Na semeya, un momentu de la intervención de la conseyera Piñán na Comisión de Cultura, Política Llingüística y Turismu.

Contador Estadistiques