L'Atenéu Obreru de Xixón entama un actu d'homenaxe a Bolado

Van intervenir collacios y collacies del académicu y va presentase la so antoloxía n'edición billingüe 'Un pájaro tan ligero'.

Xosé Bolado ye una persona que dexó buelga, y depués de l'alcordanza a la so figura que fai güei l'Asociación d'Escritores d'Asturies na gala d'entrega de los XXI Premios de la Crítica y del XVI Premiu de les Lletres d’Asturies, mañana l'Atenéu Obreru de Xixón entama un actu d'homenaxe al escritor que finó'l mayu pasáu. Va ser al meudía nel salón d'actos del Centru de Cultura Antiguu Institutu.

La llista de persones que van intervenir nel actu ta compuesta por Berta Piñán, conseyera de Cultura, Política Llingüística y Turismu, que va tar acompañada pol direutor xeneral de Política Llingüística, Antón García; Ana González Rodríguez, alcaldesa de Xixón; la ex alcaldesa, Paz Fernández Felgueroso; Luis Pascual, presidente del Atenéu Obreru de Xixón; Paz Fonticiella; Vicente García Oliva; José Luis Argüelles; Fernando Menéndez; José Manuel Pazos; Cheni Uría; Lourdes Álvarez; y Emilia Vázquez, vicepresidenta del Atenéu y compañera de Xosé Bolado. Tamién Esther Muntañola, responsable de la edición de 'Un pájaro tan ligero' (Bartleby Editores) y de les notes de l'antoloxía.

Na semeya, Bolado na so intervención nes XXXII Xornaes Internacionales d'Estudiu de l'Academia de la Llingua Asturiana, celebrada nel 2013.