La gala de los Premios de la Crítica va contar con una llectura de poemes n’alcordanza de Bolado y Herrero

El vienres, a les 18.30 hores, va celebrase nel Aula Magna de la Universidá d’Uviéu la gala d’entrega de los XXI Premios de la Crítica, qu’entrega l’Asociacion d’Escritores d’Asturies, onde van lleese poemes n’alcordanza de Xosé Bolado y José Herrero. Adolfo Camilo Díaz y Gonzalo G. Barreñada son los gallardonaos nes estayes d'asturianu.

Los ganadores de los XXI Premios de la Crítica y del XVI Premiu de les Lletres d’Asturies van recibir estos reconocimientu esti vienres nel Edificiu Históricu de la institución universitaria. En novela son Díaz por Skull City y otres histories’ (Trabe) y, en castellanu, Marcelo Matas por 'La urdimbre y la trama / 1. Yo sé quién soy' (Editorial Adarve), mentes qu’en poesía tienen l’honor González Barreñada por 'El llar n'orde' (Trabe) y, en llingua castellana, Alejandro Céspedes por ‘El aliento del Klai’ (Huerga y Fierro Editories).

Ana Paz Paredes lleva’l de columna periodística y Amelia Valcárcel ye la merecedora del XVI Premiu de les Lletres d'Asturies, que reconoz una trayeutoria. Nel actu va recordase la memoria del académicu y direutor de la revista 'Lliteratura' de l’Academia de la Llingua Asturiana del 1990 al 2017, Bolado, y d’Herrero, socios del coleutivu finaos nel 2021, con una llectura de poemes.