L'ascensu de casos nun frena y rexistra un récor nuevu: 435 contaxos

La tasa de positividá foi del 8,89 por cientu.

A falta de conocer los datos oficiales de la COVID-19, Salú comunicó qu'ayeri hebo 435 contaxos. Ye la cifra más alta de tol andanciu, superando los 394 d'ayeri.

Na xornada fixéronse 4.892 pruebes PCR, polo que la tasa de positividá asitióse nun 8,89 por cientu. D'esta forma, tamién se supera la del día anterior, que quedó nun 7,4 por cientu, anque inferior a la del vienres pasáu, del 9,87 por cientu.

Na xornada hai que llamentar la muerte de 10 persones: siete homes de 99, 91, 87, 85, 84, 72 y 58 años, y trés muyeres de 88, 88 y 81. El total de ciudadanos que perdieron la vida con coronavirus SARS-CoV-2 asciende yá a 443.