L'Asamblea de Cuadonga del 1916 protagoniza un alderique en Xixón

Lleva'l nome de 'El rexonalismu asturianu y l’Asamblea de Cuadonga'.

Los intervinientes van ser Xuan Xosé Sánchez Vicente, ensayista, miembru de l’Academia de la Llingua Asturiana y presidente del Partíu Asturianista (PAS), y José Girón Garrote, caderalgu d’Historia Contemporánea de la Universida d’Uviéu y autor de 'Los partidos políticos en Asturias (1875-1923)'. Mentes, l'historiador Javier Cubero va encargase de la presentación del actu, que va celebrase nel Club de Prensa La Nueva España de Gijón (plaza Monte de Piedá) a partir de les 20 hores d'esta tarde.

El 2 d’ochobre del 1916 tuvo llugar el mítin que se considera’l primer pasu de la creación de la Junta Regionalista, que se constituiría un mes depués nel Círculo Covadonga d'Uviéu. 3.000 persones, según el diariu ‘ABC’, anque otres fontes apunten que 6.000, acudieron al actu lideráu por Juan Vázquez de Mella, ún de los acontecimientos más importantes de la historia del asturianismu políticu.