La tasa d'ocupación hospitalaria llevó a Asturies a nivel altu d'alerta por COVID-19

Trés de los seis indicadores sanitarios superen los topes que lleven a esti estáu d'alarma.

Asturies entró en nivel altu d'alerta por COVID-19 el 5 de xunetu, anque nun se fixo oficial hasta'l día siguiente, miércoles, xornada na que, xunto al domingu, el Ministeriu de Sanidá actualiza los datos. La tasa d'ocupación hospitalaria, con 32,81 cames ocupaes cada 100.000 habitantes, provocó esta vuelta al nivel nel que tuvo del 17 d'abril al 10 de mayu, una cifra qu'aumentó estos díes últimos hasta les 40,23 del miércoles.

Tán tamién en nivel altu'l porcentaxe d'ocupación hospitalaria, dende'l día 6, y la tasa d'ingresos hospitalarios nos 7 díes últimos, dende'l domingu. L'aumentu de casos de COVID-19 ta entamando a crear esmolecimientu ente les autoridaes sanitaries, anque nun hai previsión de vuelta de restricciones.

Na imaxe, gráficu del Observatoriu de Salú n'Asturies del porcentaxe d'ocupación hospitalaria con COVID-19 a fecha del 13 de xunetu.