Asturies regresa 18 díes depués al nivel mediu d'alerta por COVID-19

|
Gráficu tasa ocupación hospitalaria 24 de xunetu

El domingu había 292 hospitalizaos.

El 5 de xunetu Asturies volvía a nivel altu d'alerta por COVID-19 depués de llegar tar en baxu, y el domingu, 18 díes depués, el Ministeriu de Sanidá confirmaba'l regresu a nivel mediu. En realidá, colos criterios aprobaos en marzu, esti descensu de riesgu tuvo llugar el xueves, cuando la tasa d'ocupación hospitalaria y el porcentaxe d'ocupación hospitalaria baxaben del tope afitáu, dalgo que fixera na xornada previa la tasa d'ingresos hospitalarios en 7 díes.

El primer d'estos indicadores foi'l que fixo aumentar el nivel el pasáu 5 de xunetu, cuando rexistró 32,81 cames ocupaes cada 100.000 habitantes. El picu estos díes vivióse'l 13 con 40,23, mentes que'l domingu, fecha de l'actualización última, taba en 28,86.

Esi día'l númberu d'hospitalizaos asitiábase en 292, de los que 283 taben planta y 9 na UCI. A pesar del ameyoramientu de los datos, 20 persones finaron cola enfermedá causada pol coronavirus SARS-COV-2 dende'l miércoles, día de l'actualización anterior.

Na imaxe, gráficu del Observatoriu de Salú n'Asturies del porcentaxe d'ocupación hospitalaria con COVID-19 a fecha del 24 de xunetu.

 

Contador Estadistiques