Asturies vive un aumentu de casos y torna al nivel mediu d'alerta por COVID-19 un mes depués

|
Gráficu porcentaxe d'ocupación hospitalaria 29 de xunu

Trés de los seis indicadores asistenciales algamen nestos momentos esta categoría.

El 29 de mayu'l país tornaba al nivel baxu d'alerta por COVID-19 depués de más de mes y mediu, tiempu nel que llegó a tar en nivel altu. Agora, un mes depués, vuelve al mediu.

El porcentaxe d'ocupación hospitalaria, el que causó'l retrasu na baxada última, foi'l primer indicador en superar les llendes. Fíxolo'l sábadu, día 25, al rexistrar un 5,18 por cientu, que'l miércoles, última actualización, taba yá nun 6,69 por cientu.

Oficialmente Asturies entró en dichu nivel el domingu, día na que'l Ministeriu de Sanidá revisa los datos xunto col miércoles. El llunes tamién s'asitiaba en nivel mediu la tasa d'ocupación hospitalaria cada 100.000 habitantes, y el martes la tasa d'ingresos hospitalarios nos 7 díes últimos.

Esti aumentu dase pola medra de casos positivos que se ta rexistrando nes dos selmanes últimes pol aumentu de la interactividá social y la non obligatoriedá del usu de mázcares n'espacios d'interior o n'eventos multitudinarios. La variante actual d'ómicron ye más contaxosa, pero menos agresiva.

Na imaxe, gráficu del Observatoriu de Salú n'Asturies del porcentaxe d'ocupación hospitalaria con COVID-19 a fecha del 29 de xunu.

Contador Estadistiques