La tasa de positividá baxa hasta'l 5,8 por cientu

Esti domingu rexistráronse 236 casos y 25 muertes, la cifra más alta del andanciu.

La Conseyería de Salú anunció una tasa de positividá ayeri del 5,8 por cientu tres la realización na xornada de 4.386 pruebes PCR, porcentaxe que queda cerca del 5 por cientu que marca la Organización Mundial de la Salú como llende pa tener controlada la pandemia. El vienres, récor de tol andanciu, disparóse hasta un 11,45 por cientu.

No que respeuta a los positivos, comunicáronse 236 casos nuevos. Ye cuasi la metá que'l día anterior, cuando hebo 423, anque se fixeron más PCR, 5.212, lo que dexó la tasa de positividá nun 8,11 por cientu.

Na xornada hai que llamentar 25 muertes, la cifra más alta de tol andanciu al superar los 22 finaos del día 4, que ponen el total de perdes asturianes en 688. Correspuenden a doce homes de dieciséis varones de 94, 91, 91, 90, 89, 87, 86, 85, 85, 84, 84, 83, 83, 77, 76 y 46 años y siete muyeres de 100, 97, 93, 91, 83, 76, 76, 76 y 71, doce d'ellos residentes en centros de mayores.

El númberu de hospitalizaciones con confirmación o sospecha de COVID-19 aumentó a 893, a los qu'hai que sumar les 145 que tán na UCI. Son 50 y 7 pacientes más que'l xueves, de manera respeutiva.