Asturies rexistra la segunda xornada con un 5 por cientu de positividá

Esti llunes detectáronse 274 casos nuevos y hebo que llamentar un total de 7 muertes.

A falta de conocer los datos oficiales de la COVID-19, la Conseyería de Salú informó d'una tasa de positividá del 5,74 por cientu tres la realización de 4.769 pruebes PCR. Esta cantidá ye llixeramente inferior a la del domingu, cuando s'asitió nun 5,8 por cientu.

El númberu de contaxos ayeri quedó en 274, 38 más que'l día anterior. El total de la serie queda en 19.409.

Na xornada 7 persones perdieron la vida cola enfermedá causada pol coronavirus SARS-CoV-2: cinco homes de 86, 86, 85, 60 y 49 años y dos muyeres de 98 y 78, de los que cuatro teníen residencies en centros de mayores. Esta cifra llega depués del día más prietu de tol andanciu, con 25 finaos, y fai que la cantidá de muertes en tol andanciu llegue a 741.

Hai nestos momentos hospitalizaes 894 persones ingresaes con confirmación o sospecha de COVID-19, ún más que'l domingu, a los qu'hai que sumar otros 143 pacientes que tán na UCI, dos menos.