La selmana zarró con un media de 334 casos nuevos diarios de COVID-19

Asturies ta viviendo estos díes lo que previsiblemente sía’l picu de curva de la segunda fola de COVID-19. Na selmana última acumululó una media de 334 casos diarios, cifra nunca vista na primera y superior a los 272 rexistraos nos siete díes anteriores.

Les cifres oficiales de la pandemia del domingu dexaben 12.702 casos acumulaos, 2.336 más que l’anterior, cuando había 10.366. Signifiquen 334 casos nuevos diarios, la cifra más alta dende la llegada del coronavirus SARS-CoV-2 al país, algamando'l xueves el récor total con 435.

Una evolución ascendente que, según dalgunos modelos matemáticos, podía llegar yá al picu de la curva. Nes selmanes últimes ésta foi d’ascensu continuu, algamando un aumentu continuu: 39, 46, 52, 83, 92, 92, 150, 210 y 272 casos diarios de media.