La llegada de la lluvia ayuda a la estabilización de les quemes

Los efeutivos que trabayen nel desaniciu de los fueos y los vecinos respiren por fin depués de díes críticos. Contabilícense 70 focos.

L'agua que vien cayendo n'Asturies dende la madrugada ayudó a la estabilización de los diferentes quemes actives, con unes poques namái pendientes de controlar, anque con una evolución favoratible. Por esti motivu la conseyera de Presidencita, Rita Camblor, decretó a les 12.30 hores el pasu de situación 2 a 1 del Plan Especial de Proteición Civil por Quemes Forestales del Principáu d'Asturies (INFOPA), aquella na que les quemes forestales requieren pal so desaniciu'l concursu de medios, procedimientos y protocolos d'usu habitual cola aplicación d'operativos especiales.

A les 13.10 hores había nel país un total de 70 focos activos. Los efeutivos de la Unidá Militar d'Emerxencies (UME) que vinieron a Asturies a reforzar los equipos de trabayu van finalizar nesta xornada la so actividá nel país.

Na imaxe, quemes cerca de la mariña, al altor de l'autovía. Semeya del Serviciu d'Emerxencies del Principáu d'Asturies (SEPA).